農曆十一月初一，孝思園舉辦佛學養生講座，孝思園嘅左翼，見到令人心動嘅非洲芙蓉，或含苞待放，或芬芳吐豔;右邊，勒杜鵑翻牆而過，隨風搖曳，像在向善信點頭致意。
講座開始之前，在幾十位信眾見證下，由善信莫伯伯抽出今期facebook答中有獎嘅幸運兒，幸運兒名字係：Marcus Chau, 係咪你呢?獎品係iPhone 4S，你想做下期幸運兒就唔好錯過我哋嘅問答遊戲啦!留意孝思園facebook和網頁就唔會坐失良機。
盧居士今期講嘅係阿彌陀佛經 (19) 之第一部份﹕
佛說阿彌陀經 (19) 四大菩薩及釋提桓因
1, 文殊師利菩薩
2, 阿逸多菩薩
3, 乾陀訶提菩薩
4, 帝釋天
另外盧居士仲講到何謂：佈施、持戒、忍辱、精進、禪定、般若。
第二部份講嘅係智慧語：
如何駛流 ， 往而不返 。 人命如是 ， 逝者不還。
是日已過 ， 命則隨減 。 如少水魚 ， 斯有何樂。
當勤精進 ， 如救頭燃 。 但念無常 ， 慎勿放逸。
命如花果熟，常恐會零落。已生皆有苦，孰能致不死。
在第三部份談因說果中，盧居士生動地以曾燻蜜蜂‧佛不受供嘅例子闡述因果關係。
而第四部份講咗適飲適食 ，就要多吃果仁。
講座結束，善信都歡歡喜喜地拿著平安米回家去，孝思園嘅鷯哥亦好有禮貌，連聲同善信講：拜拜!拜拜!