來源：蘋果日報 作者:李八方 2010-07-31 15:05
立法會最快可以喺明年年底遷入添馬艦新政府總部開工，各派議員依家正係忙於揀辦事處位置。細屋搬大屋，唔見一籮穀，唔少議員都覺得搬完入去唔夠半年又到 2012年立法會選舉，搞一餐真係唔搬好過搬，好似自由黨方剛咁，就支持喺舊立法會大樓做到 2012年中就算，唔使等新辦事處入伙冇耐又要執位。
政府仲未公佈現時作為議員辦事處嘅政府總部有乜嘢用途，方剛有個大膽建議，就係改做骨灰龕場，政府叫 18區唔好各家自掃門前雪吖嘛，咁以身作則都好應該吖。
唔少議員一休會就即刻四出外遊，方剛就同田少等老友 9月先出發去地中海嘆世界。