「頭七」及「回魂夜」

///「頭七」及「回魂夜」

「頭七」及「回魂夜」

來源:後事網   作者:    2011-06-23 15:57

 

「頭七」及「回魂夜」好多人都以為同一樣嘢,其實係兩回事。

「頭七」,代表先人已正式「開喪」,而「開喪」則代表先人已可納受後人香火及拜祭。同時,亦代表先人已知自己死亡。

「七」,即是先人每七日就會經歴生死一次。

故此古語曰:「生人做生日,死人望做七」。

「頭七」係人死後第七日,如:先人1月1日死亡,1月7日就係先人「頭七」。

通常「頭七」、「三七」、「五七」、「尾七」都會道堂打齋超渡先人,或於家中為先人設祭品、香燭,拜祭一番 (俗稱做七)。古時,法事過後,家屬都會招待親友飲食齋菜或自家茹素 (俗稱食七)。而做七,同時亦係代表「拜閻王」。

而「二七」、「四七」、「六七」稱為暗七,暗七屬外嫁女、女性身份拜,只需簡單上香、燒金銀、溪錢拜祭。

「回魂夜」:

「回魂夜」又稱「回煞」,回魂夜日子、來回時間、來回方位、停留時間。而「回魂夜」則由先人生辰、死亡八字以道家計式再配合通勝而得出。

「回魂夜」 其實係一連兩晚….

第一晚為「私歸」,即是先人自己偷偷回舍探望家人。

而第二晚為「正歸」,「正歸」才是「回魂夜」日子,即是當晚會有牛頭馬面(凶神)及黑白無常(煞神)帶住先人回舍、享用祭品及離去。

「回魂夜」當晚,生人睡覺前需將較剪或其他利器放於床頭才睡覺。到第二朝早,將較剪或利器拋擲出客廳才步出睡房,此做法目的係避免仍有凶煞神停留於屋內,此舉稱為「出煞」。

資料提供: 惜緣

By |2018-10-04T13:35:05+00:00六月 23rd, 2011|後事統籌, 後事須知|0 Comments