華叔遺物藏「書房」 師生照現青澀情史

///華叔遺物藏「書房」 師生照現青澀情史

華叔遺物藏「書房」 師生照現青澀情史

來源:頭條日報   作者:KellyChu    2012-01-06 14:05

華叔曾與黃少容師生郊遊,見證其青澀愛情歲月。

前支聯會主席司徒華已安息一周年,華叔家人日前將佢萬件遺物,好似藏書、手稿、日記、書信等捐贈給香港大學圖書館特藏部,成立永久的「司徒華書房」,並由即日起至本月十五日展出當中五十件物品,等市民可懷緬下華叔光輝一生。Kelly在云云遺物中,發現了一張老照片,係華叔同佢生前至愛黃少容老師的合照,那時華叔正任葛師校友會觀塘學校校長,照片係「師生郊遊」,見證咗華叔那些年的青澀愛情歲月。

華叔在佢的自傳《大江東去》其中一章曾經提過女友黃少容,華叔話,呢段戀情既苦澀亦溫馨,但黃少容老師在八三年不幸病逝,華叔其後幾經轉折,學生幫手尋訪下,才搵到黃老師的骨灰龕。之後每年重陽,華叔就同一班學生去拜祭,華叔仲曾經在書中講過,不時在夢中都與黃老師「默默不得語而相遇」,用情之深,思念之情,令人動容。

每年重陽拜祭女友

除咗呢張舊照,其他藏品唔少都係華叔讀過的作品,當中包括大量六十年代的中外兒童讀物,因為那時華叔義務擔任《兒童報》總編輯,當然要睇咁多童書作參考,但連現代的《哈利波特》都有,原來年邁的華叔都會以兒童讀物作為生活調劑。

By |2018-10-04T17:22:36+00:00一月 6th, 2012|殯葬文化, 生命文化|0 Comments